Basilucania di Ernesto Grieco: La ballata di Carmine Crocco

Carm’nucc R’natill Crocch

Jer’ n’amor’ r’ uagl’ncidd

Jer’ lu cor’ r’ la mamma soj’

L’um’nicch’j’ r’ la cas’

S’rv’ziev’l e fat’hator’

P’cchè l’attan’ sciv’ semp’ for’

A pasc’ pecur’ ndò lu patròn’

P’ putè la famiglia sfamà.

La famigl’ r’ Carm’nucc

D’gn’tos’ e puv’redd

Sciv’ nn’ant’ cumm putiv’

Senza fastir’j’ a n’sciun’ purtà.

Tann jer’ nu man’com’j’

P’ t’rà la vita nn’ant’

Quas’ tutt s’ la puzzav’n r’ la fam’

Ca pur’  i  can’ s’ raciv’n  arr’man’.

P’cchè i patrun’ s’gnur’ senza cor’

Bast’ ca strafucav’n  lor’

E gliaut’j’ putiv’n  pur’ murì.

Ma nu jurn’ mmalditt

La sort’ s’ggrazziat’

A la famigl’ r’ Carm’nucc

‘ngh’jin’ l’hav’ c’ntrat’.

La mamm puv’redd

R’ cr’jam’ soj’ s’ cr’sciv’

E ‘nzim’ a lor’

Pur lu purch, haddin’ e cunigl’.

Ma na brutta ser’ r’ magg

Passav’ nu s’gnurin’ nn’ant’ a lor’

E ucch’j’ e nn’ant’ucch’j’

Nu cunigl’ lu can’ hav’ azzannat’

Ma lu frat’ r’ Carm’nucc’

A v’rè quera scen’

e a i vucch’j’ r’ la mamm

ch’ nu baston’ lu can’ l’hav’ st’nn’cchiat’.

Lu s’gnurin’ ‘nd’sp’ttut’

Ch lu frustin’mman’

A lu frat’ r’ Carm’nucc a sangh l’hav’ frustat’.

E la mamma puv’redd a vrè tanta catt’ver’j’

Nn’nant’ a lu s’gnurin’ s’hav’ prustat’

R’havè cumpasion’ ca jer’ sol’ na cr’jam’

e p’ tutta r’spost’

A cav’c ndò la panz’ jè stat’ p’gliat’.

Lu s’gnurin’ ‘nfam’ n’nn’hav’ avut’ pietà

Pur’ v’renn ca jer’ prena gross

Ha cunt’ nuat’ a cav’c’jà.

 Ndò tutt  la baldor’j’ fra lagn’ e chiant’

Carm’nucc’ p’cc’ninn poch e nnint’ putiv’ fa

A  vrè  la mamm semp ndò nu litt

Ca n’nz’ putiv’ auzà 

 Sol’Chiang’ pur’ jidd e rabb’j’ ‘ncurpurà.

E ‘ndò la cap’ r’ Carm’nucc

Nu p’nzir’ s’ faciv’  ‘nz’stent

Ca ppen’ faciv’ gruss s’havìjà v’nd’ca.

Ma lu r’stin’ r’ Carm’nucc’ ormaj’ jer’ s’gnat

E jurn’ p’ jurn’ l’od’j’ s’ furgiav’

E ra uagl’ncidd intelligent’  e attiv’

Cumm  ng’ riciv’n na cos’

Jidd  già la capiv’

E ucch’j’ e  nn’ant’ucchj’ sapiv’ legg e scriv’.

Ma la cattiva sort’  mangh jer’ ancora saz’j’

E rop’ tanta straz’j’

A la famigl’ r’ Carm’nucc hat’  uaj’ jer’ pront’ a  ddà.

E quann a lu s’gnurin’  la vit’ hanna att’ntat’

Jer’ quas’ na cos’ normal’

Ca a lu pov’r attan’ r’ carm’nucc  innocent

Aviv’na ‘nculpà.

Già la mamm puv’redd  semp ndò llitt jer’ curquat’

E a i figl’ ass’stenz n’nputiv’ fa

P’gliat’ ra lu scunfurt’ ch la famigl’ tutta sfaciat’

Carm’nucc scunzulat’ ‘ndò l’eserc’t’ s’hav’ arruolat’.

Ma quann  jè tropp e tropp e la sor’ hann tuccat’

Carm’nucc jè scoppiat’ e ra l’eserc’t’’  s’ n’hav’ scappat’

D’sertor’ e br’hant’ r’ onor’ ‘ndo na bott jè arr’v’ntat’.

Ma la stor’j’ r’ Carm’nucc avìjà ess ancora scritt

P’cchè tanta fatt jer’n ancor p’nn’lann

A un’ a un’ chian’ chian’ r’hav’ affruntat’

E v’nd’cator’ r’ i pov’r  lu pop’l l’hhav’acclamat’.

E tutt gliat’ r’b’llant’ e br’hant’

G’n’ral’ l’hann  chiamat’.

Po la stor’j’ ha p’gliat’ na brutta chiech

Ca n’sciun’ ancora osc’ s’  la spiegh la rott

E Carm’nucc  e tutt lu sud a la fin’ jè sciut’ p’ ssott.

Tra affarist’ e nurdist’ l’Italia unit’ hann arravugliat

Carm’nucc jè stat’ arr’stat’

E a lu sudd l’hann spugliat’.

Tant’  ca ancora osc’ a d’stanz  r’ tant’ann

S’ frech’n  tutt  cos’ e stu pop’l jè ancor’ mis’ ‘ncroc’

Ca p’ r’solv’ la s’tuazion’

Manch avast’n  cint’ crocch

Ma c’ vuliv’n  almenn  nu m’lion’

P’cchè la stor’j’ r’ lu mer’dion’

Je’ nu grand’ ‘ndruv’lon’

Ca ancora osc’ la stor’j’ r’ Carm’nucc Crocch

Ra i grand’ ideal’ uman’

M’ fac’ rir’ e nu poch chiang

ca  la r’volt’ r’ i cafun’ affamat’ e murt’ r’ fam

Contr’ i signur’ patrun’ r’ tirr e cr’stian’

S’arr’dduc’ a n’episod’j’ stran’

R’ nu cunigl’  mmocch a nu can’!